مٺياڻي (اي این این ایس) مٺياڻيء ۾ موٽرسائيڪلن جو آمھون سامھون ٽڪر، ھڪ ڄڻو فوت، ھڪ عورت سميت ٻه ڄڻا زخمي۔ خبر موجب مٺياڻي نوشھروفيروز لنڪ روڊ تي سھڙا شاخ وٽ ٻن تيز رفتار موٽر سائيڪلن جي وچ ۾ آمھون سامھون زوردار ٽڪر ٿيڻ جي نتيجي ۾ ھڪ ڄڻو واجد علي پٽ قلندر بخش مشوري شديد زخمي ٿي پيو جنھن کي نازڪ حالت ۾ مٺياڻيء کان نوشھروفيروز اسپتال ڏانھن نيو ويو، جتي ھن زخمن جا سور نه سھندي دم ڌڻيء حوالي ڪري ڇڏيو، جڏھن ته ھڪ عورت زال ضمير علي مشوري ۽ افتخار علي پٽ غلام سرور مشوري سخت زخمي ٿي پيا، جڏھن ته ھڪ زخمي افتخار عليء کي پڻ حالت نازڪ ھئڻ ڪري نوشھرو فيروز اسپتال ڏانھن نيو ويو۔ آخري اطلاع تائين واقعي جو اڃا ڪوبه ڪيس داخل ناھي ٿيو۔

روڊ حادثي ۾ فوتي نوجوان واجد علي مشوريء جي وارثن پاران مٺياڻي اسپتال ۾ حادثي وقت ڊاڪٽر نه ھئڻ ڪري اسپتال آڏو لاش رکي احتجاجي مظاھرو ڪيو ویو۔