جشن عيد غدير

0

نوشهرو فيروز(ای این این) سڄي ملڪ جيان نوشهرو فيروز ۾ به سالانه جشن عيد غدير عقيدت ۽ احترام سان ملهايو ويو۔ ان موقعي تي گاڏين جي قافلي ۾ مرڪزي ريلي ڳوٺ سيد ڇٽل شاهه کان مولانا سيد شهاب الدين شاهه، سيد مجاهد شاهه جي اڳواڻيءَ ۾ صبح جو سوير روانو ٿيو جيڪو کاهي راهو، کاهي ڪنڊا، کاهي ممن کان ٿيندو ڀرياسٽي، ٺارو شاهه، ونگاڻي ۽ مچر رستي مرڪزي امام بارگاهه نجف سنڌ نوشهرو فيروز پهتو۔ ريليءَ جي رستي ۾ مومنن پاران گلن جي ورکا سان گڏ سبيلن ۽ نگرنياز تقسيم ڪيو ويو۔ ان موقعي تي عرفان علي رضا، زين علي ميمڻ، گل حيدر لاڙڪ، محمد سليم ميمڻ، محمد قاسم جوڻيجو، سيد علي رضا شاهه، مولانا خادم حسين ونگاڻي ۽ ٻين چيو ته اڄوڪو ڏينهن تاريخ اسلام جو وڏو ڏينهن آهي جو اڄوڪي ڏينهن تي خدا جو دين مڪمل ٿيو ۽ حضرت امام علي عليه السلام کي عالم انسانيت جو اڳواڻ بڻايو ويو۔
ريليءَ جي اختتام تي جشن جو اهتمام ڪيو ويو جنهن کي مولانا مدد علي ملاح خطاب ڪيو۔

About Author

Leave A Reply