نوشهرو فيروز(ای این این) مٺياڻي ۾ سرڪاري واٽر ڪورس ۽ زمين تي سرڪاري پارٽي جي علائقائي اڳواڻ پاران غيرقانوني دڪان اڏڻ خلاف سياسي سماجي اڳواڻن پاران نوشھروفيروز ۾ پريس ڪلب اڳيان احتجاجي مظاھرو ڪيو ويو۔
مظاھرين قبضا مافيا جي اڳواڻ علی وقار شيخ ۽ ٻين خلاف سخت نعري بازي ڪئي۔
مظاھرين جي اڳواڻي ڪندڙ فرھاد مستوئي، ڪامريڊ غلام حسين، شعبان موريو، شڪيل احمد مستوئي ۽ ٻين چيو ته ڪيترائي ڀيرا عملدارن کي سرڪاري واٽر ڪورس تي ٿيندڙ قبضي خلاف دانھيو آھي پر ڪو به تدارڪ نه ٿي سگھيو آھي، جڏھن ته سومر واري ڏينھن پڻ اي سي نوشھروفيروز کي دانھن ڏني وئي۔
ھنن چيو ته قبضا مافيا اڳواڻ مڇرجي ڪوڙن ڪيسن ۾ فاسائڻ جون ڌمڪيون ڏئي رھيو آھي ۔ھنن اعلا اختيارين کان ترت تدارڪ جي گھر ڪندي چتاء ڏنو ته جيڪڏھن حد دخلي نه ھٽائي وئي ته ڊی سي آفيس آڏو ڌرڻو ھنيو ويندو۔