نوشھروفيروز(رپورٽ:منظور ملڪ/ ای این این ایس) دريا۶ خان مري ڀرسان ڳوٺ مصرجي واه ۾ مقامي پيپلز پارٽي اڳواڻ سعادت ڏاھري پاران پيپلز پارٽي جي ڊويزنل صدر، اڳوڻي صوبائي وزير قانون ضياءالحسن لنجار جی رٿيل جلسي ۾ آمد دوران ڳوٺ مصر جي واه ۾ جلوس پهچڻ شرط نامعلوم ماڻهن ۽ پ پ ڪارڪنن ۾ چڪريون ٿي پيون، جنهن دوران چڪرين ۽ هوائي فائرنگ سبب خوف پکڙجي ويو
جڏھن ته لٺيون لڳڻ سبب پ پ جا اٺ ڪارڪن سائين بخش لاشاري، نثار لاشاري، امام علي لاشاري، نذير لاشاري، مزمل ڏاهري، شهباز ڏاهري، جاويد لاشاري سخت زخمي ٿي پيا جڏهن ته 4 نامعوم ماڻهن جي زخمي ٿيڻ جا پڻ اطلاع آهن.
اطلاع ملڻ تي ايس ايس پي نوشهروفيروز الطاف حسين لغاري پوليس اٽالا ساڻ ڪري ڳوٺ مصر جي واه ۾ جلسي گاھ پهچي ويو جڏهن ته ڪشيدگي سبب علائقي ۾ خوف واري صورتحال پيدا ٿي وئي
ان موقعي تي جلسي گاھ ۾ عوامي ميڙ کي مختصر خطاب ڪندي ضياء الحسن لنجار چيو ته اسان اهڙين ڌمڪين کان ڊڄڻ وارا ناهيون ۽ مخالفن کي پر امن رهي جواب ڏينداسين. تقريب ۾ سعد ڏاهري، شهاب الدين ملاح، نواز علي ڊومڪي، مظفر حسين جمالي سميت سوين پيپلز پارٽي ڪارڪن ۽ ورڪر شريڪ ھيا
اطلاعن موجب حملی ۾ پولیس آفیسر زخمی پڻ ٿي پیو