عوام باہر نکلے تو عمران خان آئوٹ ہو جائینگے، نواز، زرداری چوری کرتے ہیں: غنویٰ بھٹو - Eye News Network

عوام باہر نکلے تو عمران خان آئوٹ ہو جائینگے، نواز، زرداری چوری کرتے ہیں: غنویٰ بھٹو

0

ایبٹ آباد(رپورٹ: دلدار ستی) پاکستان پیپلز پارٹی شہید بھٹو کی مرکزی چیئر پرسن غنویٰ بھٹو نے کہا ہے کہ زرداری اور نواز شریف کی چوری کا طریقہ جدا جدا ہے۔ نواز شریف چھپ کہ اور زرداری سرعام چوری کرتے ہیں۔
تحریک انصاف کی تبدیلی نے عوام کو تباہ کردیا ہے عوام باہر نکلے تو عمران خان آوٹ ہو جائیں گے۔

کشمیر کی آزادی کیلئے حکمران مخلص نہیں، پاکستان عوام کیلئے بنا تھا یہاں مقیم ہر مذہب کے افراد کو مکمل آزادی ہونی چائیے، لیکن ملک کی خودمختاری کو تباہ کردیا گیا۔
یہاں کسی کو حقوق میسر نہیں لاپتہ افراد ایک بہت بڑا مسئلہ ہے لوگوں کو خوف میں رکھا جاتا ہے ،یہ قانون اور انصاف کی توہین ہے۔
ان خیالات کا اظہار انہوں نے یہاں ایبٹ آباد میں یکہجتی کشمیر جلسہ سے خطاب کرتے ہوئے کیا اس موقع پر پارٹی کے مرکزی قائدین اعجاز منگی، خیبر پختونخوا کے صوبائی صدر سید سلیم شاہ، فیروز لاشاری، مجید سیال، رحیم کوسو، راشدکلھوڑو، رباب مدیر، ضلعی جنرل سیکرٹری علی افضل خان ایڈووکیٹ کے علاوہ دیگر موجود تھے۔

انہوں نے کہا کہ اس ملک کی تاریخ کو صحیح نہیں لکھا گیا، ملک کے وزیر اعظم ذوالفقار علی بھٹو کی لائبریری سے مواد چوری کرکے حقیقت کو چھپانے کی کوشش کی گئی۔

About Author

Leave A Reply