پاکستان میں کرونا سے ہلاکتوں کی تعداد 12 ہو گئی، وائرس کی نئی علامات کا بھی انکشاف

0

کراچی (ای این این ایس/م ڈ) کرونا وائرس یا کووڈ-19 کو عالمی ادارہ صحت کی جانب سے عالمی وبا قرار دیا گیا ہے اور ماہرین کی جانب سے لوگوں کو جسمانی دوری اختیار رکھنے اور مصافحہ نہ کرنے کی ہدایت کی گئی ہے۔
چین سے پھیلنے والی وبا کے بعد سے دنیا بھر میں سائنسدان کورونا وائرس سے متعلق تحقیقات کررہے ہیں اور اب حال ہی میں ماہرین نے وائرس کی نئی علامات بھی بتائی ہیں۔
برطانوی ادارے ’برٹش ایسوسی ایشن آف اوٹرہینولرینگولوجی‘ کے ماہرین کا کہنا ہے کہ ذائقہ محسوس نہ ہونا جب کہ سونگھنے کی حس ختم ہوجانا بھی وائرس کی ابتدائی علامت ہوسکتی ہے۔
ماہرین کا کہنا ہے کہ سونگھنے کی حس ختم ہونا انفیکشن کی علامات ہوسکتی ہے کیونکہ سانس کے وائرل انفیکشن میں بھی سونگھنے اور ذائقے کی حس متاثر ہوتی ہے۔
کورونا وائرس سے بچنے کیلیے یہ احتیاطی تدابیر اختیار کریں
عالمی ادارہ صحت نے کورونا وائرس کو عالمگیر وبا قرار دے دیا
’کورونا وائرس‘ چمگادڑ کے سوپ اور زندہ چوہے کھانے سے پھیلا؟
ماہرین کا کہنا تھا کہ جنوبی کوریا میں 30 فیصد ایسے مریض ہیں جن میں کورونا وائرس کے مثبت نتائج سامنے آئے، ان مریضوں میں سونگھنے اور ذائقہ محسوس کرنے کی حس متاثر تھی۔
ماہرین کا ماننا ہےکہ کووڈ-19 کے مریضوں میں تیز بخار، خشک کھانسی، سانس لینے میں دشواری کے ساتھ ساتھ سونگھنے اور ذائقہ محسوس کرنے کی حس متاثر ہونے کی علامات بھی ظاہر ہوسکتی ہیں۔
واضح رہے کہ گزشتہ برس چین کے شہر ووہان سے پھیلنے والا کورونا وائرس دنیا کے 195 ملکوں تک پھیل چکا ہے جس سے مجموعی طور پر 3 لاکھ 81 ہزار سے زائد افراد متاثر اور 16 ہزار 553 افراد ہلاک ہو چکے ہیں۔ جب کہ وبا سے متاثر ایک لاکھ سے زائد شفایاب بھی ہو چکے ہیں۔
پاکستان میں کرونا سے ہلاکتوں کی تعداد 12 ہو چکی، جبکہ 1500 سے زائد متاثرین ہیں۔
پاکستان میں کرونا وائرس ایران، سعودی عرب، برطانیہ و دیگر ملکوں سے واپس آنے والے لوگوں سے پھیلا۔ اس وقت مقامی منتقلی دس فیصد سے اوپر جا چکی ہے۔

About Author

Leave A Reply